Zientzia eta Teknologia Ministerioak atari berri bat aurkeztu du gaur Interneten, ezagutza zientifikoak zabaltzeko. “www.teckaltegencia.es” webgunearen bidez, aurrerapen zientifikoak eta horien aplikazioak ikus ditzakete erabiltzaileek.
Ataria Espainiako Zientzia eta Teknologiarako Fundazioak (FECYT) kudeatzen du, eta dagoeneko 70.000 baliabide ditu ikerketa- eta garapen-proiektuetan (I+G), zientzia-albisteetan, legerian eta ekipamendu eta zerbitzu zientifiko eta teknologikoetan.
Web gunera sartzea doakoa eta librea da, baina informazio jakin batzuetarako orri berean erregistratu beharko da erabiltzailea identifikatzeko, haren eskaerei erantzuteko eta erabiltzaile-komunitate bat sortzeko.
Tresna informatiko horri esker, Pedro Morenés Zientzia eta Teknologia Politikarako Estatu idazkariak adierazi zuenez, “ezagutza guztion eskura egongo da”.
Ekimen horretan parte hartzen dute Ikerketa Zientifikoen Kontseilu Nagusiak (CSIC), Espainiako Unibertsitateetako Errektoreen Konferentziak (CRUE), Enpresa Erakundeen Espainiako Konfederazioak (CEOE) eta beste 60 erakundek.
