Society for News Design (SNDE) Espainiako sailak antolatutako ÑH lehiaketa ospetsuaren zortzigarren edizioan, “Espainiako Kazetaritza Diseinuaren Onena&Portugal 2011”, urrezko domina eman diote EROSKI CONSUMERi, iPhone-rako iSantiago Bidearen gaineko aplikazio mugikorra diseinatzeagatik. Gainera, kontsumo txikiko lanparei buruzko infografia baten aipamena jaso du.
EROSKI CONSUMER saritu egin dute Espainian eta Portugalen ikus-kazetaritzaren kalitatea bultzatzeko eta, batez ere, diseinuko, argazkigintzako, infografiako eta ilustrazioko kazetaritza-hurbilketaren alde egiteko sortutako sarietako bat. Gainera, “edozein jatorri eta tamainatako inguruneetako jardunbide egokiak” onartu nahi dituzte, SNDEk azaltzen duenez.
ñh8ri 63 komunikabideko 2.420 lan aurkeztu zaizkio. Lehiaketako agirietatik, 2.150 komunikabide inprimatuei zegozkien eta 270 on line argitalpenei. Epaimahaiak, guztira, 176 domina eman ditu, horietatik 27 urrezkoak, 50 zilarrezkoak eta 99 aipamen. Iberiar Penintsulan urtean zehar ondoen diseinatutako bitartekoen artean daude Público (Madril), La Verdad (Murtzia) eta Heraldo de Soria (Soria), egunkari inprimatuen kategorian; Yorokobu (Madril), aldizkarien kategorian; eta eitb.com eta elpais.com, on line argitalpenen kategorian. Liburua azaroan aurkeztuko da, ÑH8 kongresuan, irabazle guztiekin, eta sariak banatuko dira.
EROSKI CONSUMER aldizkariko Santiago Bideari buruzko iPhone-rako aplikazio mugikorra, besteak beste, Done Jakue Bideari buruzko informazio praktikoa dohainik eskaintzen duelako nabarmentzen da, hala nola, bideen mapak, ibilbidean topa daitezkeen aterpetxeak edo bisitatu beharreko monumentuak.
