Vueling-ek beharrezkotzat jotzen du aireportuetako eta hegazkinetako segurtasun-neurriak sinpleagoak eta eraginkorragoak izatea egungoekin alderatuta, “erabateko itxurakeria eta eraginkortasun eztabaidagarria” izatea.
Hala esan zuen atzo Josep Miquel Abab aerolinea horretako lehendakariak, Pricewaterhouse Cooper (PwC) aholkularitza-enpresak antolatutako ekitaldi batean. Abadek oreka-puntu baten alde egin zuen: “guztiok nahi dugun nahitaezko segurtasuna eta deserosotasuna gutxienekoa izatea”.
Vueling-eko lehendakariak azpimarratu zuen aireportuetan gaur egun dauden segurtasun-neurri asko ez direla eraginkorrak, ez baitiote eragiten “min egin nahi duenari”.
Bestalde, Abadek El Prat-Bartzelonako aireportuko terminal berria bi urte barru inauguratzeko atzerapena deitoratu zuen. Ildo horretatik, esan zuen 2012 edo 2015erako saturatuta egongo dela, eta, beraz, administrazioei erabaki azkarrak hartzeko eskatu zien, hurrengo 25 edo 30 urteetan aerodromoaren hazkundea aurreikusteko.
