Espainiarrek 1990ean baino ia hiru aldiz gehiago behar dute hipoteka kitatzeko, nahiz eta interes-tasak urte horretan baino askoz txikiagoak izan, BBVAren datuen arabera.
1990ean, itzultzeko batez besteko epea 10 urtekoa zen; 2007an, berriz, 28 urtera arte luzatzen da, eta finantza-erakunde batzuek 40 urtera arteko epea duten hipotekak eskaintzen dituzte. Orain, denbora gehiago behar da etxebizitza ordaintzeko, higiezinen prezio altua dela eta.
Hala, BBVAren arabera, 100 metro karratuko etxebizitza batek 205.000 euro baino gehiago balio du gaur egun; 1990ean, 56.000 euro baino gehixeago balio zuen. Kontuan hartu behar da, gainera, familien batez besteko interes-tasa %14koa zela orduan; 2007an, berriz, %5,2koa.
Espainia tasa aldakorreko hipoteka-maileguen ehuneko handiena duen herrialdeetako bat da (Euribor, batez ere); kopuru osoaren % 98 du, Estatu Batuen % 35etik oso urrun dago edo, Europan, Herbehereen % 14.
