Bizi behar den etxebizitzaren kasuan (ohiko etxebizitza), fiskalitateak aukera ematen du etxebizitza erosteagatik eta are berritzeengatik ere kenketa batzuk egiteko, halako moldez non, zeharka, Ogasunak etxebizitza erosten laguntzen baitu, kenketa honekin hura gabe baino gutxiago ordaintzen baita. Alde hori lagungarria izango da bankuari zor zaiona hobeto ordaintzeko.
Etxebizitzarako aurrezki-kontuak helburu bakarra du: ohiko etxebizitza erosteko aurreztea eta/edo, behar izanez gero, aldatzea. Onena da etxebizitza erosteagatik aplikatzen diren kenkariak gehienez ere lau urtera aurreratzea ahalbidetzen duela.
Kontu hau irekita eduki daitekeen gehienezko epea lau urtekoa da (1999ko urtarrilaren 1etik irekita dauden guztientzat). Urte horien ondoren, etxebizitza erosi ezean, irekita egon bitartean lortutako kenkariak itzuli behar zaizkio Ogasunari, berandutze-interesak barne. Beraz, ez da komeni etxebizitza-kontua irekitzea, etxebizitza datozen lau urteetan erosteko asmoa ez bada.
Kontu honetako mugimenduetan diru-sarrerak baino ezin dira egin, eta dirua dagoen egunean frogatu behar da etxebizitza erosteko erabili dela, edo horren ondoriozko gastuak ordaindu.
Etxebizitzan urtean egin daitekeen inbertsio kengarria 9.015,18 eurokoa da guztira; beraz, ez da interesgarria urtean zenbateko hori baino gehiago ematea. Dirua sobratzen bada, beste produktu batean gordetzea komeni da; bestela, geroago erabil litekeen kreditu fiskala kontsumituko litzateke.
Aplikatzen dugun kenketa ekarpenaren %15 da. Hau da, gehieneko ekarpena eginez gero, 1.352,27 euro kenduko dira urtean, eta hori ordainduko da Errenta Aitorpenean.
