A pasada semana o Goberno aprobou un real decreto que obriga aos locais de restauración a conxelar previamente o peixe que vaia a consumirse cru ou pouco feito, a unha temperatura igual ou inferior a menos 20 graos centígrados durante polo menos 24 horas para evitar a infección por anisakis, un parásito que vive no interior dos peixes.
A medida foi recibida con desagrado por algúns restaurantes, pero agora un grupo de investigadores da Universidade de Alcalá de Henares (UAH) patentou unha solución a base de salmuera que evita ter que conxelar o peixe para destruír o parásito.
O estudo da maceración dos boquerones en vinagre permitiu ao equipo científico, do Departamento de Microbiología e Parasitología da UAH, chegar a esta patente que só serve para escabechados en frío, segundo explicaron onte os investigadores.
Utilizaron os boquerones en vinagre porque este prato é a principal causa de infección por anisakis en España, feito que se debe á forma de preparalo, posto que o vinagre utilizado é incapaz de matar ao parásito. A resistencia que presentaban as larvas aos distintos graos de acidez, a través de salmueras creadas para este proxecto, foi un dos eixos da investigación.
A seguinte fase do estudo concluíu que as salmueras con menor grao de acidez necesitaban cinco días para destruír ao anisakis, mentres que aquelas máis acedas precisaban entre dúas e tres días.
