Os nenos que practican deporte deberían beber leite para combater a deshidratación do exercicio porque achega maiores beneficios que a auga ou as bebidas isotónicas. Segundo unha investigación da Universidade de McMaster, en Canadá, as proteínas, os carbohidratos, o calcio, o sodio e os electrólitos que contén esta bebida proporcionan moitos máis beneficios ao organismo dos máis pequenos.
Brian Timmons, autor do estudo, subliña a importancia de dúas destes compoñentes: o sodio e as proteínas. Asegura que o contido en sodio do leite substitúe ao que se perde coa práctica deportiva, o que axuda ao corpo a conservar os seus fluídos e evita a deshidratación. Tamén destaca a función das proteínas lácteas, implicadas no desenvolvemento dos músculos e que non se atopan noutro tipo de bebidas.
Unha adecuada hidratación é importante cando se practica exercicio e, sobre todo, nos meses de verán. Timmons recomenda aos pais que se aseguren de que os nenos beban durante a práctica deportiva porque se non poden acabar deshidratados antes de finalizar un partido ou un período longo de esforzo físico. “Os nenos activos e os adultos normalmente non beben suficiente auga para estar preparados durante o exercicio”, explica o científico. Asegura que esta situación os coloca nunha situación de hidratación “desventajosa” que provoca que se deshidraten máis rapidamente.
O experto lembra que un 1% de deshidratación provoca un descenso do rendemento físico de ata o 15% e incrementa a velocidade do corazón. Tamén advirte que niveis maiores de deshidratación multiplican o risco de sufrir ictus e enfermidades cardíacas.
