O pepino, baixo en calorías e algo máis…

O seu achegue calórico é moi baixo debido ao seu reducido contido de hidratos de carbono en comparación con outras verduras e ao seu elevado contido de auga. Isto fai que sexa un alimento moi recomendable en dietas de adelgazamento. É rico en vitaminas do grupo B (B1, B2, B3 e B6) e minerais, entre os que destaca o níquel, un mineral esencial que se necesita en cantidades moi pequenas, pero que cumpre con funcións moi importantes no organismo: controla a incorporación do ferro aos glóbulos vermellos e intervén na secreción de encimas dixestivas relacionadas coa obtención de enerxía. Ademais achega, aínda que en cantidades non moi elevadas, selenio e vitamina E, con acción antioxidante e protectora contra os radicais libres. Os pepinos deben comprarse o máis frescos posibles; deben ser firmes ao tacto, rectos e con boa cor. Paira comprobar que están en bo estado, débese presionar no extremo do talo; se este está brando, significa que hai tempo que o pepino foi colleitado.