Ovos recheos e fritos con bechamel e tomate
Elaboración
Nun cazo pomos os 8 ovos a cocer, botámoslles un puñado de sal, non moi grande, e deixamos que fervan durante 10 minutos, despois dos cales deixamos arrefriar. Cando estean fríos ou tépedos pelámolos e reservamos.
Mentres cocen os ovos preparamos unha bechamel coas 3 cucharadas de aceite, 3 de fariña e o cuarto de litro de leite. Sazonamos a bechamel con sal, un pouco de noz moscada e un pouco de pementa.
Partimos pola metade ao longo os ovos cocidos, quitámoslles as xemas e deixámolas nun prato; unha vez retiradas todas as xemas, cun tenedor machucámolas e engadímolas á bechamel.
Dámoslles voltas para que se mesturen ben coa bechamel e logo cunha culler sopeira imos enchendo os ovos, non só enchendo senón pondo un pouco máis, dándolle a forma coma se o ovo estivese enteiro.
Cando teñamos todos os ovos recheos, batemos os 2 ovos que nos quedan. Pasamos os ovos recheos por fariña, ovo batido e pan rallado nesta orde. Nunha tixola pomos aceite para fritir os ovos e cando o aceite estea moi quente ímolos fritindo.
Mentres os fritimos, pomos nun cazo a salsa de tomate a quentar.
Acompañamos os ovos coa salsa de tomate quente.
Semáforo nutricional
O semáforo nutricional é un sistema de cores que permite entender os valores nutricionais dun xeito claro, rápido e completo.
Unha ración contén
| Calorías | Graxa | Graxa saturada | Azucres | Sal |
|---|---|---|---|---|
| 590 | 30,7g | 8,1g | 8,3g | 1g |
| 29% | 44% | 40% | 9% | 16% |
* da inxestión de referencia (IR) para un adulto
- Baixa: o 10 % ou menos da inxestión de referencia
- Media: entre o 10 % e o 35 % da inxestión de referencia
- Alta: máis do 35 % da inxestión de referencia
As receitas presentan normalmente ingredientes cuxo porcentaxe sobre a Inxestión de Refencia (IR) é alto (predominan amarelos e laranxas). Estes pratos están concibidos como prato principal dunha comida ou cea, co que o seu tamaño de ración é superior e a súa achega nutricional é máis elevada.
Por este motivo, as receitas teñen puntos de corte diferentes aos dos produtos. Así, por exemplo, mentres que un alimento calquera terá os nutrientes de cor amarela ata un valor máximo do 20 % da IR, as receitas concibidas como unha comida principal terán os nutrientes en amarelo ata un valor máximo do 35 % da IR.
| Calorías | Graxa | Graxa saturada | Azucres | Sal | |
|---|---|---|---|---|---|
| Que é baixo por ración | 200 Kcal ou menos | 7 g ou menos | 2 g ou menos | 9 g ou menos | 0,6 g ou menos |
| Que é medio por ración | Entre 200 Kcal e 700 Kcal | Entre 7 g e 25 g | Entre 2 g e 7 g | Entre 9 g e 32 g | Entre 0,6 g e 2,1 g |
| Que é alto por ración | 700 Kcal ou máis | 25 g ou máis | 7 g ou máis | 32 g ou máis | 2,1 g ou máis |
| Nutrientes | Cantidade Diaria Orientativa |
|---|---|
| Calorías | 2.000 Kcal |
| Graxa | 70 g |
| Graxa saturada | 20 g |
| Azucres | 90 g |
| Sal | 6 g |
A Inxesta de Referencia (IR) é unha guía sobre a cantidade total de calorías e de varios nutrientes que debemos inxerir ao día para manter unha dieta sa. A información sobre as porcentaxes de IR indica o que supón a cantidade de nutriente dunha ración a respecto da IR para ese nutriente no día.
As porcentaxes de Inxesta de Referencia (IR) están calculadas para unha muller adulta cunha inxestión diaria de 2000 kcal. As necesidades nutricionais individuais poden ser máis altas ou máis baixas, en función de sexo, idade, nivel de actividade física e outros factores.
Esta é unha enerxética preparación que contén dous ingredientes que son básicos dentro dos hábitos alimentarios actuais, o ovo (proteínas de alto valor biolóxico, graxas, lecitina, vitaminas e minerais como o ferro), e o leite (proteínas, graxas, calcio e vitamina B2).
O valor calórico do prato vén determinado en gran medida pola técnica culinaria utilizada, unha fritura, que leva a absorción de aceite por parte do alimento que se cociña. Si ademais sumamos as graxas saturadas do propio ovo e as do leite xunto ás que achega o aceite da bechamel, o resultado é unha receita cun contido alto en kilocalorías. É precisamente por esta razón pola que resulta axeitada para todas aquelas persoas que necesitan un achegue extra de enerxía como os nenos, adolescentes, mulleres que están a aleitar e deportistas.
Pódense acompañar estes ovos cunha boa ensalada mixta ou unha guarnición vexetal e engadir unha froita de sobremesa e desta maneira conseguir unha comida variada e equilibrada.
- Ácido úrico y gota
- Alergia al pescado
- Anemia ferropenica (falta de hierro)
- Anemia perniciosa (carencia de vitamina B12)
- Anemia por carencia de ácido fólico
- Cálculos renales
- Diabetes mellitus
- Estreñimiento
- Hipertensión arterial
- Meteorismo
- Obesidad o sobrepeso
- Osteoporosis
- Alergia a la caseína
- Alergia al huevo
- Cálculos en la vesícula biliar
- Gastritis
- Hipercolesterolemia
- Hipertrigliceridemia
- Intolerancia a la lactosa
- Intolerancia al gluten (celiaquía)
