🥢 Soba
Utilízase para designar ao trigo sarraceno ou alforfón (que en realidade non é estritamente un cereal), e que se emprega comunmente para nomear os fideos finos elaborados con ese gran. Tamén se usa para designar os fideos finos, en contraste cos tallarines grosos elaborados con fariña de trigo, que se denominan udon. Normalmente cómense fríos, acompañados dunha salsa; ou ben, quentes, mergullados nun caldo.
🥢 Yakisoba
Refírese aos tallarines fritos elaborados con fariña de trigo. Para cociñalos, bótase un pouco de aceite vexetal sobre unha cacerola e engádese carne e vexetais, como zanahoria, brotes de sementes, col ou cebola. Por último, incorpóranse os fideos e un pouco de auga, e cocíñase ata que esta se evapora, momento no que se une coa salsa.
Curiosamente, a esta salsa tamén lla denomina yakisoba e elabórase normalmente con ingredientes como salsa Worcestershire, salsa de ostras, salsa de soia, azucre, aceite de sésamo, mirin (un viño de arroz de sabor doce, parecido ao sake, pero de baixo contido alcohólico), kétchup e pementa.
🥢 Sukiyaki
É un prato xaponés que está composto por finos anacos de carne de tenreira ou de tofu, cocidos, xunto con vexetais e outros ingredientes, nunha mestura de salsa de soia, azucre e mirin.
🥢 Ramen
Sopa xaponesa da que existen moitas variantes. Basicamente é un prato de fideos servidos nun caldo preparado a base de carne e verduras e ao que se engaden diferentes guarnicións, como algas ou carne de porco.
🥢 Teriyaki
Técnica de cociñado que consiste en asar os alimentos (normalmente á grella) marinados cunha salsa elaborada con soia, sake (ou mirin) e azucre (ou mel). Normalmente utilízase este nome para a salsa e, por extensión, emprégase na cociña occidental para denominar calquera prato elaborado con ela.
🥢 Noodles
En sentido estrito, é a palabra que se utiliza en inglés para designar os fideos. Pero na nosa contorna adoitamos usala para referirnos aos fideos orientais, máis longos que os que empregamos nas sopas da nosa gastronomía e máis estreitos que os espaguetis.
