Reducir en tres g a inxesta diaria de sal durante a adolescencia reduce dun 30% a un 43% o risco de desenvolver hipertensión arterial na idade adulta, segundo demostrou un estudo desenvolvido por un equipo de investigadores da Universidade de San Francisco (Estados Unidos).
Tamén se detecta unha diminución do 7% ao 12% na enfermidade coronaria asociada a un menor consumo de sal, dun 8% a un 14% menos de ataques cardíacos e entre un 5% e un 8% menos de accidentes cardiovasculares, mantén este traballo, presentado na reunión anual da Asociación Americana do Corazón (AHA), que se celebra estes días en Chicago.
Desde a AHA recomendan limitar a inxesta de sodio a 1,5 g diarios, cando a media nos adolescentes estudados é superior aos 3,8 gramos, máis que ningún outro grupo de idade, apuntan. Advírtese neste sentido que os alimentos procesados conteñen demasiada sal. Un paquete de snacks “” fritos ten 310 miligramos de sodio e a pizza “é un dos maiores problemas para os adolescentes cando se trata do sal”, segundo datos do Centro Nacional de Estatísticas Sanitarias de Estados Unidos.
“A maior parte do sal que consumimos non provén do noso salero, senón que xa está engadida nos alimentos que inxerimos”, asegurou a doutora Kirsten Bibbins-Domingo, autora do estudo. “O beneficio adicional do menor consumo de sal desde idades temperás é que podemos cambiar as expectativas sobre como debe saber a comida cara a algo menos salgado”, engadiu.
