O ‘Steak Tartare’ é unha preparación culinaria que nos chega desde a vella tradición gastronómica do Leste de Europa, cuxo orixe se remonta á época de Gengis Khan e os seus guerreiros mongoles.
Naqueles tempos, en plena Idade Media, maceraban a carne crúa pondo o filete entre a cadeira e o espinazo do cabalo, como sistema de conservación e transporte da carne. Esta sutil receita converteuse en referente de snobismo gastronómico no século XIX e chegou ata os nosos días como un prato que se ofrece na carta de moitos restaurantes clásicos.
Como se prepara?
A receita, aínda que parece difícil, é moi sinxela de preparar. A mellor carne para a súa elaboración é a de vacún crúa, en particular o solombo, xa que é a peza máis branda do animal. Adóitase preparar xunto con xema de ovo crúa, sal, alcaparras, perexil e mostaza.
Hase de comprar o solombo recentemente picado na carnicería despois de limpalo perfectamente. Antes de servilo, trabállase a carne coa xema de ovo e o resto dos ingredientes, de maneira que queden perfectamente mesturados. A continuación introdúcese a mestura na neveira, uns 5 minutos.
Cada comensal pode aderezalo ao seu gusto engadindo algún dos compoñentes que se suxiren: allo, perexil, cebola e alcaparras picadas o máis fino posible, pasta de anchoas, salsa Perrins (unha marca patentada realizada a base de especias) e tabasco ao gusto, whisky, sal, pementa e aceite de oliva. Por último, dáselle unha forma ovalada e aplanada coma se fose unha hamburguesa.
Este prato cómese frío e adóitase acompañar de pan e manteiga.
