Os mapas ofrecen unha variedade tan grande de deseños e cores que, colocados nas paredes, convértense en pezas decorativas, cargadas de simbolismos segundo os distintos territorios que representan. Este artigo define o feito de colgar mapas na parede como unha auténtica viaxe pola decoración e explica as posibilidades dos distintos tamaños, formas e estilos nos mapas, como colocalos nas paredes e as variantes que achegan as fotografías satelitales e os globos terráqueos.
Mapas, unha viaxe pola decoración
Os mapas son artigos que, colocados de maneira oportuna, poden constituír pezas decorativas moi interesantes nas paredes, tanto no salón como en espazos de traballo, dormitorios e outras estancias. Os seus tamaños, formas e cores diversas combinan co simbolismo que os acompaña, xa que cada mapa fai pensar no territorio que representa. Pódese dicir que, dalgunha maneira, os mapas levan de viaxe a quen os contemplan.
O costume de colgar mapas nas paredes procede de hai séculos, cando as láminas indicaban terras descoñecidas e destinos posibles para as expedicións que saían ao mar. Hoxe en día, existe tal variedade de deseños e cores que permiten combinalos con calquera tipo de decoración. Un mapa pode abarcar un gran espazo da parede ou ben colgarse como un pequeno cadro.
Variedade de tamaños, formas e estilos nos mapas
En xeral, se é moi grande recórrese a un planisferio, é dicir, o que representa todos os continentes. Como as divisións políticas do mundo han ido cambiando ao longo da historia, os países representados no mapa poden establecer un xogo co estilo decorativo do lugar. Un mapa do século XVI (co imperio español no seu momento de máxima expansión) estará en liña cunha decoración moi clásica, de mobles de madeira, tonalidades escuras, etc. Un estilo próximo ao “pop art” combínase moi ben cun mapa do século XX, con países que xa non existen como a URSS, Iugoslavia, Checoslovaquia, etc.
Existe tal variedade de deseños e cores nos mapas que permiten combinalos con calquera tipo de decoración
En mapas de menor tamaño é máis común usar representacións de continentes, países ou rexións, e non xa mapamundis. Isto permite apreciar as zonas representadas con maior nivel de detalle: nomes de cidades, ríos, montañas, etc. Sen dúbida, é case irresistible para calquera persoa que pase por alí deterse a observar aquel “territorio”.
A rexión representada pode ser tanto onde se vive como unha á que se teña especial agarimo, como o pobo natal, un lugar que se visite a miúdo ou mesmo un afastado ao que se soñe con ir algunha vez. Espazos como un escritorio de traballo ou unha área de lecer mesmo poden permitirse o punto friki de contar co mapa dun lugar de fantasía, como os de “O Señor dos Aneis” ou “Xogo de Tronos”.
Como colocar os mapas
A maneira máis sinxela de colocar un mapa na parede é fixalo con chinchetas ou cinta adhesiva, pero isto a miúdo dana a superficie e co tempo o mapa se deforma debido ao seu propio peso. Unha alternativa máis duradeira é instalar un marco e colgalo da parede, coma se fose un cadro.
Os decoradores máis audaces e creativos poden permitirse auténticos “collages” coa mestura de varios mapas na parede
Existen tamén outras opcións, recomendables sobre todo para mapas de gran tamaño. A máis idónea é pegalo á parede coma se fose papel pintado. Se se recubre logo coa verniz apropiado, garántese que durará moito tempo e terá un brillo que o fará destacarse no conxunto da decoración. Os decoradores máis audaces e creativos poden mesmo crear auténticos collages na parede, coa mestura de mapas de distintas cores e estilos.
Os vinilos autoadhesivos son unha posibilidade moi orixinal. O inconveniente é que permiten representar só formas simples, como o contorno de continentes, países, etc., sen entrar en detalles. Por iso, serven para “siluetas” moi coñecidas, como o mapamundi ou determinados países, pero para outros sen liñas curiosas ou moi características pode resultar algo eslamiado ou difícil de interpretar.
E non só paredes: tamén mobles, caixas de cartón ou outras pezas de almacenaxe pódense recubrir con mapas. Así como usar un mesmo tecido para as cortinas e os coxíns ou outras fundas nun salón xera un efecto moi atractivo, o mesmo pode ocorrer nun espazo cuxa decoración está dominada por un gran mapa e onde outros mobles ou obxectos teñen unha cobertura similar.
Máis aló dos mapas clásicos, as novas tecnoloxías permitiron nos últimos anos acceder a imaxes que antes eran difícil ou imposibles de conseguir. Un caso é o das fotos satelitales, que posibilitan ter a representación dunha determinada zona xa non en símbolos, como poden ser cores ou debuxos, senón directamente a través dunha foto tomada desde o ceo. A reprodución dunha imaxe obtida en Google Maps, ampliada e colgada na parede é unha alternativa dos tempos modernos.
Pola súa banda, os globos terráqueos ou bólas do mundo son unha posibilidade decorativa que non pasa de moda. Hainos de distintos tamaños, calidades e, por suposto, prezos. En ocasións, a desvantaxe está en que require un sitio específico e ocupa bastante espazo: débese dedicarlle en exclusiva unha porción de mesa ou a parte superior doutro moble. Como contrapartida, ofrece todo o atractivo de ver a representación do mundo na súa forma real, cos seus mares e continentes.
