A débeda das familias españolas alcanzou os 495.100 millóns de euros no pasado mes de xullo, o que supón un crecemento interanual do 20,2%, como consecuencia fundamentalmente dunha nova aceleración dos préstamos para a adquisición de vivenda, segundo o Banco de España.
No seu último Boletín Económico, a institución monetaria sinala que o financiamento obtido polos fogares continúa avanzando a un ritmo de crecemento elevado que, segundo a información provisional, mantívose tamén no mes de agosto.
Así, os préstamos para a adquisición de vivenda ascenderon en xullo a 346.900 millóns de euros, cun incremento do 23,6% respecto ao mesmo mes de 2003 (tres décimas máis que no mes anterior), mentres que os créditos para consumo se desaceleraron catro décimas, crecendo un 12,8%, ata situarse en 147.400 millóns.
En canto aos tipos de interese aplicados polas entidades de crédito ás familias, aumentaron moderadamente en xullo, situándose no 3,38% para a compra de vivenda e no 6,07% para consumo (9 e 3 puntos básicos máis, respectivamente, que en xuño).
