Algúns produtos de limpeza de uso común nos fogares conteñen sustancias químicas que poden resultar perigosas ou tóxicas, e se se utilizan de maneira inadecuada causan efectos nocivos sobre a saúde humana ou sobre o medio ambiente.
Na súa etiquetaxe, de acordo co Real Decreto 255/2003, polo que se regula a clasificación, envasado e etiquetaxe de preparados perigosos e coa Nota Técnica de Prevención nº 635 (NTP 635) do Instituto Nacional de Seguridade e Hixiene no Traballo, atopamos unha serie de símbolos ou pictogramas que advirtan ao consumidor dos riscos que leva un uso incorrecto.
Atendendo para os efectos que producen sobre o medio ambiente, ou as súas propiedades ecotoxicológicas, as sustancias ou preparados que presenten ou poidan presentar un perigo inmediato ou futro para un ou máis compoñentes do medio ambiente denominaranse perigosos para o medio ambiente. Son sustancias moi tóxicas para os organismos acuáticos, tóxicas para a fauna e perigosas para a capa de ozono.
Algúns produtos perigosos para o medio ambiente son os pesticidas e os clorofluocarburos (CFC), contidos nalgúns aerosois que debilitan a capa de ozono. A produción e consumo de CFC prohibíronse na Unión Europea en 1995, no entanto, seguen utilizándose nos inhaladores -dosificadores destinados ao tratamento da asma e das bronconeumopatías.
Precaucións
Débese eliminar a sustancia ou os seus restos como produto perigoso, entregándoos nos lugares de recollida adecuados, para que se poida proceder á súa reciclaxe. Nunca hai que verter estes produtos na auga e hai que almacenalos apropiadamente de forma que se impidan escapes ou fugas para evitar a contaminación do medio ambiente.
