O titular do Xulgado de Instrución número 10 de León, Carlos Javier Álvarez, desestimou onte a demanda presentada pola Asociación Leonesa de Laringectomizados (extirpados de laringe) na que esixían a suspensión cautelar da fabricación, comercialización e distribución de tabaco en España.
Álvarez, quen chamara a declarar a diversos representes do colectivo demandante e das empresas tabaqueiras demandadas, desestimou esta petición por falta “de xurisdición” paira adoptar una medida destas características.
O xuíz tamén rexeitou a outra medida que os afectados de laringe solicitaban, a publicación no exterior dos paquetes de tabaco dos índices de benzopireno que contén un cigarro, a mesma sustancia química pola cal se suspendeu temporalmente hai uns meses a venda de aceite de bagazo de oliva en España.
Tras a conclusión da vista preliminar, a avogada dos laringectomizados, Monserrat Veiga, declarou aos xornalistas que esperará a que o xuíz dite nos próximos días un auto no que se recolla por escrito a desestimación da demanda, xa que onte só foi anunciada verbalmente.
