Este verán poden producirse novos cortes de electricidade, “puntuais, pero de forma xeral”, advertiu onte o presidente de Rede Eléctrica de España (REE), Luís Atienza. Estas incidencias deberíanse principalmente ao crecemento da demanda e á escasa capacidade hidráulica como consecuencia das poucas choivas que caeron este inverno. “Estamos nun ciclo seco, cun inverno extraordinariamente seco”, apuntou.
Respecto da demanda eléctrica, Luís Atienza dixo que as previsións se anticiparon dúas ou tres anos. Así, segundo el, a punta máxima de consumo rexistrada en febreiro estaba estimada para 2007 ou 2008.
O responsable de REE lembrou que para evitar este tipo de incidencias nos próximos meses entrarán en funcionamento os ciclos combinados de gas. No entanto, a pesar de todo, insistiu en que se poden producir episodios de carácter “puntual”.
Atienza anunciou ademais que REE desenvolverá un plan estratéxico ata 2009, polo que investirá 1.900 millóns de euros para garantir e mellorar a capacidade da subministración e as interconexións cos países veciños.
