Tras superar o record de consumo eléctrico deste país con case 35.700 megawatts consumidos durante o pasado xoves, o director de Rede Eléctrica de España (REE), Victoriano Casajús, apresurouse a realizar unhas declaracións garantindo a subministración durante este fin de semana e pedindo “tranquilidade” aos usuarios.
Casajús asegurou que “non existirá ningún problema ao longo do fin de semana xa que o gasto industrial diminúe moi considerablemente” os sábados e domingos. A pesar diso, “si o luns continua facendo tanto frío poden volverse a alcanzar marcas históricas no consumo”.
O director de REE lembrou que “ao forte gasto de enerxía pola onda de frío debe sumarse o 2,3 por cento de crecemento no consumo eléctrico que se produciu durante todo o ano”.
Os cortes de subministración selectivos que se realizaron o 17 de decembro de 2001 “non volverán producirse, e o sistema funcionará con total normalidade”.
