En poucas semanas, o frío chegará ao fogar, polo que xa é o momento de planificar unha estratexia para conter o gasto en calefacción , polo menos durante os primeiros meses do outono. Neste período xa se acusa o descenso dos termómetros, pero non se precisan medidas extremas para combatelo, así que se pode retardar o máximo posible a posta en marcha dos equipos de calefacción, ben individuais ou da propia comunidade de veciños. É posible suplila con pequenos e sinxelos trucos que conteñan o gasto e logren que o ambiente dentro de casa sexa agradable, sen que os seus moradores cheguen a pasar frío. En definitiva, como se indica na reportaxe, trátase de racionalizar o seu uso e adaptalo á evolución das temperaturas.
Algunhas ideas para gastar menos en calefacción no outono
Se non se desexa gastar moito diñeiro en calefacción nos primeiros meses do outono, sería moi aconsellable levar á práctica unha serie de pautas que poden ser moi beneficiosas, tanto para axustarse ao orzamento familiar, como para obter unha temperatura ambiente desexable a calquera hora do día e en todas as habitacións da vivenda. Algunhas delas son as seguintes:
Empregar pequenas mantas para ver a televisión, ler ou permanecer sentado no sofá, sen a necesidade que acender a calefacción.
Utilizar fontes de enerxía locais, pero que sexan de baixo consumo ou que, cando menos, conten coa menor voltaxe posible. Servirán para quentarse nunha soa estancia da casa e nun momento dado.
Manter a temperatura do ambiente, de forma que todas as entradas de aire (xanelas, terrazas, etc.) queden pechadas sen riscos de que poida meterse, sobre todo cando baixan as temperaturas a última hora da tarde e durante a noite.
Aproveitar a calor que despide o funcionamento que xeran algúns aparellos (televisor, computador, equipos musicais…) que farán máis acolledora a temperatura das habitacións onde están situados, sen necesidade de acudir a outras fontes de enerxía máis directas.
Durante a noite, ao durmir, é aconsellable non ter ningún aparello calefactor aceso. Basta con taparse cunha ou dúas mantas para non pasar frío mentres se descansa.
Facer deporte axuda a manter e nivelar a temperatura do corpo e, por suposto, a ter unha menor sensación de frío durante todo o día e mentres se está en casa.
Aprender a vivir no fogar con temperaturas non moi elevadas, que á parte de non ser moi recomendables para o corpo humano, incentivan un consumo desordenado da enerxía.
Aínda nestes días hai moitas horas de sol que é conveniente aproveitar para quentar o fogar e non depender axiña que da calefacción xeral ou individual. Para iso hai que deixar que entre en casa, un labor que se realizará polas mañás e á primeira hora da tarde ao levantar todas as persianas e recoller os visillos para que non impidan a entrada dos raios solares.
