Uns 100.000 españois viaxaron en 2004 a outros países para aprender ou mellorar os seus coñecementos en idiomas, principalmente durante os meses de xullo e agosto, segundo a Asociación Española de Promotores de Cursos no Estranxeiro (ASEPROCE). Desta cifra o 60% son menores de idade, o idioma inglés segue sendo a demanda prioritaria, en torno ao 90%, e os destinos máis solicitados o Reino Unido e Irlanda, seguidos de EE.UU., segundo informou o presidente nacional de ASEPROCE, Juan Manuel Elizalde, en Santander durante a presentación da campaña 2005.
Desde ASEPROCE lembráronse os datos do Eurobarómetro da Comisión Europea publicado en 2001, que reflicte que o 53% dos españois é incapaz de expresarse noutro idioma, o que sitúa ao país entre os menos formados da Unión Europea nesta materia, xunto a portugueses (56%) e franceses (51%). Para esta asociación é importante potenciar a aprendizaxe de idiomas. Doutra banda, a entidade recomenda aos consumidores que soliciten a máxima información antes de contratar un curso de idiomas no estranxeiro, para escoller o programa que mellor se adapte ás súas necesidades particulares.
