A Fundación Telefónica, en asociación con 2mdc.com, colgou en Internet máis de 500 exercicios de Selectividade resoltos, procedentes de convocatorias anteriores. Desta forma pretende axudar aos estudantes que afrontan as probas en próximas convocatorias. Os exercicios foron solucionados por profesores de prestixio e conteñen explicacións en formato multimedia das respostas correctas.
Os exames están agrupados por materias (Matemáticas, Bioloxía, Química, Física, Debuxo Técnico, Historia, Lingua e Literatura, Filosofía e Historia da arte) e preséntanse en formatos equivalentes ás preguntas da proba de Selectividade. Así, estrutúranse de maneira que se respecten os mesmos modelos de preguntas, tales como definicións, comentarios ou problemas cos que o alumno teña dificultades en concreto.
Os profesores encargados de resolver as probas son todos catedráticos e a maioría deles imparte clases en diversos institutos de Madrid, como o I.E.S. Ramiro de Maeztu, o I.E.S. San Isidro ou o Margarita Salgas de Majadahonda.
Na dirección www.educared.net/universidad pódese acceder a todos estes contidos, acompañados de explicacións en formato vídeo ou por medio de gráficos. No caso de problemas, pode accederse á solución dos mesmos paso a paso, complementando as respostas coas achegas teóricas.
