Un equipo de científicos do Centro de Saúde da Universidade de Connecticut (Estados Unidos), do que forma parte o investigador español Adolfo Sánchez-Branco, conseguiu retardar o envellecemento das moscas do vinagre mediante un menor dano oxidativo do seu sistema nervioso.
Para logralo, os investigadores implantaron nas moscas o xene humano UPC2. Así, conseguiron alongar máis dun 20% a vida destes insectos. Os resultados do estudo publícanse na revista “Cell Metabolism”.
Segundo explicou Adolfo Sánchez-Branco, a clave non é simplemente inserir o xene na mosca senón facer que o xene produza a proteína só no sistema nervioso da mosca. Sánchez-Branco sinalou que o estudo demostra que o feito de que estas moscas vivan un 20% máis se debe a que a proteína humana, UCP2, que producen no seu sistema nervioso failles xerar un menor dano oxidativo nas súas células. “Ademais, -asegurou Sánchez-Branco- este tratamento non lles produce efectos secundarios”.
O equipo de investigadores exponse a posibilidade de descubrimentos posteriores de fármacos para activar a súa función.
