Preto de 12 millóns de usuarios inscritos, 32 millóns de libros prestados e máis de 100 millóns de visitas. Estas son algunhas das cifras que dan conta da atarefada actividade que se desenvolve cada día nas 4.125 bibliotecas públicas que se reparten por todo o país. Os servizos bibliotecarios permiten aos cidadáns exercer o seu dereito a acceder á información, educación e cultura, pero para poder facer uso deles, é necesario que cumpran e respecten as normas establecidas polas administracións competentes en cada caso.
Imagen: Rubén García / Eroski Consumer
Ir á biblioteca está de moda. Así o constatan os datos do Instituto Nacional de Estatística (INE) sobre o uso destes servizos. Segundo o INE, na última década case se duplicou o número de usuarios das bibliotecas do noso país, 16,3 millóns de cidadáns, que representan un 35,7% do total da poboación. A maioría destes usuarios (72,3%) están inscritos nalgunha das 4.125 bibliotecas públicas españolas, que reciben cada ano máis de 100 millóns de visitas.
Calquera cidadán pode utilizar os servizos das bibliotecas públicas
Este importante crecemento pódese explicar en parte polos novos servizos, máis aló do préstamo e consulta de libros, que iniciaron nos últimos anos a maioría destas institucións públicas para adaptarse á normativa vixente, isto é, á Lei da lectura, do libro e das bibliotecas, promulgada en 2007.
Esta é a primeira lei de ámbito nacional que recoñece á biblioteca pública como un servizo que posibilita o exercicio dun dos dereitos fundamentais dos cidadáns: o acceso á información, a educación e a cultura no contexto da Sociedade da Información e o Coñecemento. Este dereito é universal e, por tanto, calquera cidadán pode utilizar os servizos das bibliotecas públicas, con independencia do seu lugar de orixe ou residencia, de forma libre e gratuíta.
Servizos básicos
Tal como recoñece a Lei de 2007, os usuarios teñen dereito aos seguintes servizos básicos, que debe prestar toda biblioteca de titularidade pública:
Cada biblioteca réxese pola normativa específica ou regulamentos que se estableceron no seu ámbito
A partir de aquí, cada unha das bibliotecas, en función do organismo administrativo do que dependa, réxese pola normativa específica ou regulamentos que se estableceron no seu ámbito, que regulan as particularidades de cada servizo, así como os deberes e obrigacións dos usuarios dos mesmos.
Dereitos dos usuarios
Para facer uso dunha biblioteca pública, xa sexa estatal, rexional ou municipal, é requisito imprescindible rexistrarse de forma previa. Os usuarios inscritos teñen dereito aos servizos básicos mencionados, coas especificacións normativas que se establezan en cada centro:
Deberes dos usuarios
Os usuarios deberán respectar as normas marcadas por cada centro
Os usuarios das bibliotecas públicas deberán respectar as normas marcadas por cada centro en relación ao uso e aproveitamento das instalacións e o regulamento establecido para cada un dos servizos prestados. O incumprimento destas normas leva en xeral a suspensión ou perda da condición de usuario da biblioteca.
