O xogo é unha das mellores vías para lograr que os nenos e mozos en idade escolar aprendan algo novo cada día ou repasen os coñecementos que xa adquiriron. Durante as vacacións xorden numerosas ocasións nas que poden aproveitar distintos xogos educativos que, ademais de divertir e entreter aos máis pequenos, serviranlles para pór en práctica as competencias curriculares básicas traballadas durante o curso.
Xogos para viaxar
En coche , en tren , en avión ou en barco , sexa cal for o medio de transporte que se utilice para viaxar cos nenos en vacacións, sempre chega un momento no que os pequenos se aburren, cánsanse e empezan a formular a eterna pregunta: “Canto falta para chegar?”. Para evitar a monotonía dunha longa viaxe, pódese recorrer a un bo número de xogos educativos, que ademais de distraer e divertir, representan unha excelente oportunidade para que aprendan cousas novas e exerciten as competencias esenciais.
Na praia ou a montaña
As contornas naturais onde se viaxa en vacacións son a escusa perfecta para que os nenos practiquen durante o período estival os coñecementos de ciencias naturais que adquiriron durante o curso. Pero tamén son idóneos para exercitar competencias básicas como a creatividade ou a psicomotricidade.
Xogar en liña
O computador é tamén un bo acompañante para as longas xornadas estivais. Despois de comer, cando as horas de sol son máis perigosas, ou antes de saír pola mañá, os nenos poden dedicar un intre a xogar con algúns dos interesantes xogos e aplicacións educativas dispoñibles na Rede. Estes son algúns dos portais máis completos onde se poden atopar moitas destas actividades:
