O Ministerio de Cultura destinará o próximo ano, por primeira vez, unha partida orzamentaria de 300.000 euros para compensar aos autores polo préstamo dos libros nas bibliotecas públicas. Para que non recaia sobre os usuarios, este canon será cofinanciado polas comunidades autónomas e os concellos.
Durante a presentación dos orzamentos do seu departamento para 2008, o ministro de Cultura, César Antonio Molina, lembrou que este canon rexe en toda a Unión Europea (UE). España “tratou de atrasalo, pero foi imposible”, xa que, aclarou Molina, en caso de falta de pagamento esa cantidade se detraería dos fondos europeos que aínda recibe o noso país.
Para non prexudicar aos usuarios das bibliotecas, Molina dixo que se decidiu o seu cofinanciamento entre o Ministerio, as comunidades autónomas e os entes locais, que son quen teñen as bibliotecas ao seu cargo.
A cantidade anual de 300.000 euros para compensar aos autores é “infinitamente menor” que a multa coercitiva que tería que pagar España en caso de non aplicar o citado canon, e que ascendería a 300.000 euros diarios.
