O asubío gomero conta xa coa súa propia páxina en Internet. O Goberno de Canarias lanzou un portal dirixido a difundir esta peculiar linguaxe tradicional da Gomera, que permite comunicar calquera idea cos mesmos detalles e precisión que a linguaxe falada, segundo afirman os creadores do sitio, que esperan que se converta en plataforma “de encontro” para os especialistas en linguaxes asubiadas.
Silbogomero.es inclúe unha galería con imaxes de máis de 100 silbadores de todo o mundo para demostrar que esta linguaxe non é exclusivo da illa canaria. Tamén recolle estudos, actividades e creacións artísticas relacionadas con este idioma, que aspira a ser recoñecido como patrimonio oral e inmaterial da humanidade.
A nova web integra materiais sonoros que a fan “especialmente atractiva” e que permiten apreciar “o valor estético do asubío”, sinala Moisés Plasencia, director xeral de Patrimonio Histórico do Executivo canario. “Trátase -di- dunha proposta integral para o estudo do asubío gomero”.
Paradoxalmente, o portal non permite descargar arquivos de audio ou vídeo que inclúan exemplos da linguaxe. Tamén debe mellorar no que a accesibilidade se refire.
