O mísil lanzado onte pola nave “Deep Impact” estrelouse con éxito contra o cometa “Tempel-1” ás 7:52 hora peninsular. O impacto produciuse no cuadrante inferior dereito do cometa. Rick Grammier, un dos responsables do proxecto, asegurou que “as posibilidades de fallar eran mínimas porque era un tiro parabólico moi fácil”.
As imaxes do choque que se poderán ver na Terra serán as captadas tanto por Deep “Impact” como polos telescopios espaciais “Chandra”, “Hubble” e “Spitzer”. Os científicos da NASA non descartan que a explosión provocada polo proxectil haxa desintegrado por completo o “Tempel-1”.
O obxectivo desta misión é investigar as orixes do Sistema Solar. Os datos que se obteñan do interior do cometa revelerán claves do ocorrido na explosión que formou os planetas e o Sol fai 4.600 millóns de anos.
Segundo os científicos, cométalos poderían ser os responsables da vida na Terra por canto eles serían os que trouxeron auga ao planeta.
