Un estudo publicado na revista Nature por investigadores da universidade sueca de Uppsala mantén que unha estrutura utilizada para respirar por unha especie de peixe estivo na orixe do oído medio humano. Segundo os científicos, que estudaron o fósil dun peixe de fai 370 millóns de anos, esta parte do animal evolucionou ata converterse no citado aparello auditivo do home.
Esta especie de peixe ancestral, chamada “Panderichtys”, conseguiu evolucionar para crear o aparello auditivo moderno utilizado por moitos animais, incluíndo os humanos, segundo asegura este grupo de expertos. A orixe desta transformación foi unha abertura de agalla chamada espiráculo, sinalan os investigadores.
Segundo explican neste traballo, o “Panderichtys” estaba estreitamente relacionado cos primeiros tetrápodos, un gran grupo de vertebrados de catro patas que inclúe aos humanos. Se se compara coas primeiras especies de peixes, esta ten un espiráculo bastante grande, similar ao dos primeiros tetrápodos en canto a tamaño. Iso suxire, segundo os investigadores, que o moderno oído medio dos humanos, que contén pequenos ósos transmisores do son, evolucionou a partir dunha estrutura utilizada para ventilar a cabeza.
