Alimentar a unha cadela embarazada

O embarazo da femia prolóngase ao longo duns 65 días. E cada fase ten a súa particularidade. Durante as dúas primeiras semanas do embarazo da cadela, os cambios que experimenta o seu corpo aínda non visibles.

Convén alimentar á nai con pequenas racións de comida, ofrecidas de forma frecuente

A alimentación da femia ha de ser a ser a habitual, en función da súa raza e tamaño. A cadela tamén debe manter a súa actividade física normal, con paseos e xogos.

Entrada a terceira semana, as náuseas non tardan en chegar. A sensación de malestar e as ganas de vomitar explican que a femia poida perder o apetito durante a terceira e cuarta semana de xestación. Alimentar á futura nai con pequenas racións e de forma repetida ao longo do día axudaralle a comer. Pero se as ganas de alimentarse. non volven, recoméndase unha consulta ao seu veterinario.

Comidas en pequenas racións

A partir de quinta semana de xestación, á futura mamá acumúlaselle o traballo. A cadela non só ten que alimentarse ela, senón que debe ocuparse de nutrir aos pequenos embrións de cachorro que xa crecen no seu interior. E a inxesta de comida debe aumentar ao ritmo que o fan os pequenos.

A cadela preñada necesita proteínas extra e moita enerxía para atravesar esta fase tan esixente. Para unha femia que espera catro cachorros, por exemplo, a inxesta de comida debe incrementar un 5% cada semana. Desta forma, cando o embarazo entre na súa novena semana, a cantidade de alimento que requirirá a cadela será ao redor dunha cuarta parte máis do que comía antes do embarazo.

Ana Domínguez, auxiliar de veterinaria, recomenda utilizar unha comida de cachorros para a nai durante esta etapa. “A comida de cachorros ten moitas proteínas e dá á cadela e aos cachorros que ten dentro a enerxía que necesitan”, explica. As necesidades extra de proteínas non acaban co embarazo. “O ideal é que a cadela siga tomando comida de cachorros ata o destete dos cachorros”, di Domínguez.

Coidado coa báscula

A maior parte do peso que gaña unha cadela gestante explícase pola carga que achega a placenta, un gran órgano que crece no interior do seu corpo para alimentar aos embrións. Os futuros cachorros que engordan sen descanso dentro do seu corpo explican o resto dos quilos que colle a cadela durante o embarazo. Este repentino aumento de peso favorece que un anormal sobrepeso poida pasar desapercibido.

A obesidade pode causar problemas durante o embarazo e o parto, polo que convén vixiar o peso da futura nai durante toda a xestación. Convén aumentar os controis de peso; e anotar o peso da cadela con regularidade.

O espazo redúcese aquí dentro

Os cachorros crecen. Engordan e cada vez ocupan maior espazo no interior do corpo da cadela. Nas últimas semanas de xestación o sitio no interior do ventre materno é un ben escaso. Por iso convén alimentar á nai con pequenas racións de comida, ofrecidas de forma frecuente.

A cadela nota esa sensación de aglomeración que experimenta o seu corpo e é normal que deixe para comer. O apetito do animal pode mesmo desaparecer durante a novena semana, cando se achega o momento do parto. En calquera caso, a comida e a auga deben estar sempre ao alcance da femia.

Chegan os cachorros

A chegada dos cachorros non facilita as cousas á nai: a produción de leite para alimentar aos seus pequenos é unha das actividades que máis enerxía precisan na vida dunha cadela.

Os suplementos nutricionais, de vitaminas e minerais, non adoitan ser recomendables ata a sexta semana de embarazo

Os neonatos son moi esixentes en canto á alimentación que requiren. E aleitar a unha camada de famentos cachorros en crecemento pode resultar extenuante. Os pequenos crecen rápido e a cantidade de leite que requiriren da súa nai é inxente. A lactación durará polo menos outro seis semanas.

Medicamentos e suplementos

Os suplementos nutricionais, vitaminas e minerais non adoitan ser recomendables antes da sexta semana de embarazo. Un achegue repentino destas sustancias podería impulsar un crecemento anormal dos embrións e un desenvolvemento esaxerado dos futuros cachorros.

Os medicamentos, pola súa banda, deben evitarse durante todo o embarazo, xa poden provocar problemas congénitos nos pequenos cachorros que crecen no ventre materno. Antes de administrar medicamentos a unha cadela gestante debe consultar co seu veterinario.

• Siga a Eva San Martín en Twitter.