A Autoridade Europea paira a Seguridade Alimentaria (EFSA) deu o visto e prace onte á comercialización dunha variedade de millo transxénico “NK603” na Unión Europea (UE). Doutra banda o vindeiro luns o Quince deberán decidir sobre outro tipo de millo, o “BT11”, cuxo expediente está máis adiantado e xa ten o visto e prace dos científicos comunitarios.
A AESA considera que o “NK603” é igual de seguro que o millo convencional, polo que a Comisión Europea pode propor aos Estados membros a súa posta no mercado.
Este tipo de millo foi modificado xeneticamente paira tolerar a un herbicida chamado “roundup”, paira permitir así un maior control de malas herbas por parte dos agricultores durante o cultivo. A organización engadiu que é moi pouco probable que este novo millo teña efectos negativos na saúde humana e animal.
Pero esta a avaliación do tipo de millo “NK603” alude aos efectos na seguridade alimentaria e non aos ambientais, xa que a solicitude deste tipo de millo referíase á comercialización e á importación, non á súa sementa.
