A onda de calor comezou onte pola tarde a remitir polo norte peninsular, e deixará paso a última hora de hoxe e sobre todo mañá a tormentas, algunhas moi fortes, en Cantabria, País Vasco, Navarra, A Rioxa e norte de Aragón, sobre todo na zona pirenaica, segundo o xefe da área de Predición do Instituto Nacional de Meteorología (INM), Anxo Rivera.
As tormentas poden estenderse ao norte de Cataluña o domingo, explica Rivera, quen precisa que “é moi difícil prognosticar a intensidade” deste fenómeno porque é moi variable, pero advirte de que tras a forte calor dos últimos días, algunhas poden ser moi fortes.
Por esta razón, chama a atención para que se tomen as precaucións oportunas, pois son días festivos e moitos cidadáns desprázanse a zonas de campo e de montaña, onde as tormentas son máis perigosas.
No resto da Península pode haber algún chuvasco tormentoso, por exemplo na zona da Cordilleira Ibérica, do centro peninsular, e mesmo interior de Andalucía oriental, pero en principio sen gran intensidade.
