A Universidade de Agricultura de Huazhong, situada en Wuhan (China), publica na revista “Microbiology” un estudo que reflicte que a contaminación xerada por metais pesados podería ser eliminada grazas á acción dunha especie de bacteria que se atopa nas profundidades do Pacífico.
Así, a variedade Mn32 de Brachybacterium “” demostrou ser moi eficaz para eliminar o manganeso de distintas solucións, sinalan os investigadores. A bacteria non só oxidó o manganeso, senón que conseguiu “comerse” o metal da solución, explican os científicos.
Ademais de eliminar o manganeso do seu ambiente, a “Brachybacterium” tamén absorbeu cantidades importantes de zinc e níquel. Todos estes metais atópanse como contaminantes en augas e chans debido ás verteduras das industrias pesadas como a do aceiro.
Aínda que os óxidos de manganeso, coñecidos por absorber o zinc e o níquel, poden producirse industrialmente, os que producen estas bacterias absorben entre dúas e tres veces máis metal, manteñen os científicos. E é que a estrutura cristalina dos óxidos de manganeso bacterianos é diferente á dos producidos químicamente, polo que teñen unha maior superficie que lles permite absorber máis ións de metal, indican os investigadores, dirixidos por Gejiao Wang.
“A seguinte fase da nosa investigación é inmobilizar esta variedade bacteriana nun biorreactor para avaliar a súa capacidade de eliminar manganeso e outros metais pesados nun sistema deste tipo. Se temos éxito poderíase desenvolver unha vía máis eficaz para limpar os contaminantes de metais pesados”, asegura Wang.
