O sector cloro-álcali español comprometeuse onte co Ministerio de Medio Ambiente de forma voluntaria a velar pola protección ambiental e controlar as súas emisións para o período 2005-2011, segundo o acordo asinado entre a Asociación Nacional de Produtores de Cloro (ANE) e o departamento dirixido por Cristina Narbona. O sector do cloro-álcali intervén, directa ou indirectamente, no 55% da actividade da industria química.
Desta forma, as empresas fabricantes de cloro “reducirán as súas emisións e verteduras por baixo do esixido nas normas internacionais”, explicou a ministra de Medio Ambiente, que presidiu onte a firma do acordo. Segundo este compromiso, os fabricantes de cloro acéptanse de forma voluntaria reducir as emisións de mercurio nun 47%.
Ademais de por a ministra de Medio Ambiente, o acordo voluntario foi subscrito tamén polos representantes das consellerías de Medio Ambiente das comunidades autónomas de Andalucía, Aragón, Cantabria, Cataluña e Galicia.
