Usámolos a diario uns minutos e na natureza tardan anos en descomporse. Os obxectos de usar e tirar, como as cabichas dos cigarros, contaminan. En moitos casos, estes plásticos acaban nas praias, con todo o que supón. E si, os cigarros tamén teñen plásticos: a maioría dos seus filtros están compostos por acetato de celulosa, un plástico vexetal. Para que tomemos máis conciencia do emprego que facemos de todos estes produtos e da súa repercusión no medio ambiente, nas seguintes liñas dámosche varias cifras moi curiosas.
Canto o uso e canto tarda en descomporse
- Unha botella de plástico. Tempo de uso: Máximo, varios días. Tempo de descomposición: 500 anos.
- Unha pajita de plástico. Tempo de uso: uns minutos. Tempo de descomposición: 400 anos.
- Un cuberto de plástico. Tempo de uso: duns minutos a unhas horas. Tempo de descomposición: 400 anos.
- Un vaso de plástico. Tempo de uso: entre uns minutos e unhas horas. Tempo de descomposición: 70 anos.
- Unha bolsa de plástico. Tempo de uso: media hora. Tempo de descomposición: uns 55 anos.
- Unha cabicha de cigarro. Tempo de uso: 5-10 minutos, o que se tarda en fumar un pitillo. Tempo de descomposición: 5 anos.
- Un globo de plástico. Tempo de uso: unhas horas. Tempo de descomposición: 6 meses.
As cifras dos plásticos, unha praga evitable
- Só o 9 % dos plásticos de todo o mundo recíclase.
- O 79 % dos plásticos refugados acaba en vertedoiros ou, peor, libres no medio ambiente.
- Este material representa o 95 % dos residuos que flotan no mar Mediterráneoe as súas praias.
- Cada día abandónanse 30 millóns de latas e botellas en España.
- O 49 % dos residuos plásticos no mar son de obxectos dun só uso.
- O plástico chegou a cada recuncho do planeta: atopáronse restos a 10.000 metros de profundidade.
- Estímase que o 90 % das aves mariñas teñen fragmentos de plástico nos seus estómagos.
- Cada ano, máis dun millón de aves e máis de 100.000 mamíferos mariños morren como consecuencia de todos os plásticos que chegan ao mar.
