En cumprimento dos compromisos adquiridos no Protocolo de Montreal (1987), o Goberno chinés ha prohibido a produción e consumo de CFC-113, un dos gases que danan a capa de ozono. A Administración Estatal de Medio Ambiente de China sinalou que esta medida responde “á promesa de eliminar a produción e consumo de todas as sustancias que danan o ozono”.
Do mesmo xeito que outros gases clorofluorocarbonados (CFC), o que agora se prohibiu en China empregábase en aparellos de refrixeración ou aire acondicionado. Así mesmo, o país asiático ha prometido que prohibirá completamente antes de 2010 a produción e consumo de CFC.
Segundo establece o Protocolo de Montreal, ratificado por máis de 150 países no ano 1987, os países desenvolvidos tiñan que prohibir o 1 de xaneiro de 2005 todos os CFC e outras sustancias prexudiciais para o ozono. O prazo para os países en desenvolvemento esténdese ata o 1 de xaneiro de 2015.
Mediante este acordo, que foi complementado polo de Kioto 10 anos despois, preténdese que o buraco que a capa de ozono ten na Antártida diminúa e desapareza cara ao ano 2050. Con todo, o Protocolo de Kioto afecta a outro tipo de gases, os chamados de efecto “invernadoiro” (anhídrido carbónico, dióxido de carbono, metano, óxido nitroso, hidrofluorocarbono, perfluorocarbono e sulfuro hexafluoruro).
