Preto de cincuenta lagos da cordilleira do Himalaya poderían desbordarse e alagar os vales situados río abaixo nun prazo de cinco ou dez anos, pondo en perigo a vida de decenas de miles de persoas, segundo informou o Programa de Nacións Unidas paira o Desenvolvemento (PNUE).
As temperaturas están a crecer notablemente na rexión, o que provoca que se acelere o desxeo dos glaciares que alimentan os lagos, explica un estudo científico realizado polo PNUE e o Centro Internacional de Valoración Integrada das Montañas (Icimod).
En Nepal e Bután, outros 44 lagos corren o risco de desbordarse, indica o estudo. “Neste momento, temos a convicción de que os cambios climáticos son reais. Non é un prognóstico, é un feito”, manifestou PNUE.
