Dobrar a produción de renovables en 2030 lograría aumentar o PIB mundial e aforrar trillones de dólares equivalentes de impactos da contaminación, segundo uns informes recentes da Axencia Internacional das Enerxías Renovables (IRENA). Un dos seus autores, Álvaro López-Pena, subliña que a idea de que as renovables son caras xa non é certa, grazas ao descenso dos custos, e sobre todo se as outras enerxías asumisen o seu impacto na contaminación ou o cambio climático. López-Pena, analista de Políticas e Mercados de Enerxías Renovables en IRENA desde 2013, avoga en España por unha política de Estado que posibilite a transición enerxética cun marco regulatorio estable, permita aos cidadáns o autoconsumo ou suba os impostos ambientais en liña con outros países europeos.
Cada vez hai máis evidencias de que as enerxías renovables son baratas, e non só boas para o medio ambiente, senón tamén para a economía. O estudo sinala que se en 2030 duplicamos a produción de renovables, o PIB mellorará. En España, onde temos sol e vento, aforrámonos diñeiro de importar enerxías doutros países e producimos riqueza no noso país.
“O custo da solar fotovoltaica reduciuse en cinco anos máis dun 80%”Unha cousa importante que deixa en evidencia este informe son os custos externos das enerxías fósiles e nucleares que non están incluídos nos seus prezos: os efectos da contaminación, dos residuos, do cambio climático, das enfermidades asociadas a estes impactos ambientais, etc. É unha cuestión de política enerxética, fai falta unha reforma fiscal ambiental. En España ponse impostos ás cousas boas (ao traballo da xente normal, aos pequenos emprendedores, etc.), pero non tanto ás cousas malas como a contaminación. Está demostrado que pór impostos a estas cousas malas mellora o medio ambiente e a economía. Non o digo eu, dio o Fondo Monetario Internacional (FMI) e moitos outros economistas moi serios, en España e fóra.
O máis destacado é que están a baixar de custo e xa son totalmente competitivas en moitas circunstancias. A xente ten a noción de que son caras, e xa non é certo. Está a pasar como cos computadores: un descenso brutal dos prezos. O custo da solar fotovoltaica reduciuse en cinco anos máis dun 80%. As renovables entraron nun círculo virtuoso: baixan os prezos, de maneira que máis cidadáns queren instalalas, o que fai que baixen aínda máis. Este efecto refórzase e leva ao crecemento exponencial que estamos a ver no mundo. Outro dato rechamante é que levamos tres anos a nivel mundial nos que se instalaron máis megawatts renovables que doutro tipo de enerxías (gas, carbón ou nuclear).
O número uno é China, sen dúbida, pero tamén porque é un país enorme. Está a liderar o sector das renovables desde hai varios anos. Tamén India, onde teñen ambicións grandes para a fotovoltaica, e en Latinoamérica, Brasil, Chile ou Uruguai. Outro mercado con gran potencial nos próximos anos é EE.UU., onde as renovables xa despegaron.
En Europa a situación está regular, un pelín de canga baixa, por decisións de política enerxética. Fai falta máis ambición e seguir á cabeza, como sempre estivemos.
“Os políticos españois deberíanse tomar en serio as renovables”As renovables son activos que duran moitos anos, como unha autoestrada ou un porto. Requiren investimentos fortes e, por iso, que non cambien as regras do xogo. Fai falta estabilidade, que se garanta que se pode investir con seguridade. En España houbo un cambio que afectou á fotovoltaica e parece que deixou a moitos investidores, tamén pequenos, varados. Non é a falta de apoio, senón a necesidade dun marco regulatorio estable.
Fomos pioneiros, e iso fíxonos aprender, pero tamén levarnos os golpes; aprendemos polas malas. Algunhas cousas non se fixeron ben, pero tamén permitiu que outros países aprendan, para ben e para mal. E seguimos tendo empresas punteiras.
Os políticos deberíanllo tomar en serio. Debería facerse unha política de Estado de enerxía que posibilite a transición enerxética e a mellora da eficiencia. Habería que desatascar o autoconsumo fotovoltaico e permitir á xente de forma legal que poida producir a súa propia enerxía, cousa que hoxe non ocorre polo famoso imposto ao sol. Iso si, non é tan sinxelo, non se podería facer dun momento a outro. O sector eléctrico é moi complexo. Fai falta cubrir os custos das redes eléctricas e deseñar tarifas adecuadas. Pero hai xente moi preparada neste país para conseguilo.
“As empresas que comercializan enerxía 100% renovable poden competir coas convencionais”En teoría si, pero na práctica vemos que non é tan sinxelo, porque o esquema regulatorio non o pon fácil. Nun país con bo recurso -sol no caso da fotovoltaica-, unha estrutura de tarifa eléctrica ben deseñada que recolla todos os custos, onde se poida conseguir financiamento para a instalación, e con seguridade xurídica, sería perfectamente viable.
Non digo que en España sexa o caso porque depende de moitos factores, como o mix de xeración eléctrica en cada momento, as tarifas eléctricas, etc., pero, por dicir unha resposta xeral, si. As renovables son moi competitivas xa en moitos casos en comparación coas outras tecnoloxías, e mesmo nalgúns casos máis baratas que as fósiles.
Se non o 100%, si unha porcentaxe moi alta, e dentro de varias décadas seguro.
