A Xunta de Castela e León debe retirar todo o veleno distribuído polo campo para a erradicación da praga de topillos porque é unha medida das “máis agresivas” para o medio ambiente, segundo volveron esixir onte diversas asociacións conservacionistas. Esta petición débese á “aparente” situación “favorable” transmitida pola conselleira de Agricultura durante a súa visita ás zonas afectadas, segundo sinalou Adena.
Os ecoloxistas consideraron así que este descenso de topillos está a producirse principalmente por causas naturais, debido a un colapso das poboacións de roedores por diferentes motivos, principalmente a diminución de recursos tróficos. Desta forma, reiteraron a súa petición para que se suspenda a aplicación de medidas “agresivas” contra o medio ambiente e que se paralice a distribución de veleno nos municipios onde a poboación de topillos reduciuse xa.
