Este luns inaugurouse en Tailandia un centro para previr desastres naturais, apenas cinco meses despois de que un tsunami matase a 5.300 persoas na costa sureña. Segundo informou o primeiro ministro Thaksin Shinawatra durante a inauguración do Centro de Prevención de Desastres Naturais situado ao norte de Bangkok, en tan só 15 minutos enviará unha alerta, o que pode deixar tempo para avisar á poboación sobre a chegada do tsunami.
O centro, aprovisionado cun equipo de comunicación de 30 millóns de baht (uns 596.823 millóns de euros) procedente dun grupo de empresas de software estadounidenses, está cheo pantallas de computadores e en contacto con centros de medición de terremotos de Xapón e Hawai.
Estas instalacións, que tamén alertarán sobre outros desastres naturais como inundacións, incendios forestais e fugas químicas perigosas, recibirán e analizarán información sobre terremotos procedentes de oficinas meteorolóxicas provinciais situadas por todo o país.
Se se cre que se pode producir un tsunami, un sinal de alerta sería enviada a todas as canles de televisión, emisoras de radio e teléfonos móbiles a través de mensaxes de texto.
As autoridades tailandesas calculan que o número de vítimas debido ao último tsunami é de 5.395 persoas. E 2.822 persoas máis se atopan aínda desaparecidas.
