Unha empresa chilena ha descuberto o modo de tratar as augas residuais de forma natural e, ademais, sacar proveito do proceso. En lugar do habitual e contaminante sistema con compostos de cloro, estes innovadores traballadores depositan as augas residuais nunha piscina, para despois literalmente bombardealas cun exército de lombrigas.
Á vez que as lombrigas van dando boa conta dos refugallos, xeran un pequeno ecosistema nutrido polas propias augas residuais. Alex Villagra, enxeñeiro e un dos que idearon o sistema explica que _a lombriga está encargada de manter a flora bacteriana activa e de degradar toda a materia orgánica. Todos os sólidos maiores que veñan son retidos pola capa_.
A depuración non é completa. Por unha banda obtense humus, un excelente abono. Doutra banda, auga libre de contaminantes nun 95%. A auga resultante non é apta para o consumo, pero pode ser utilizada para a rega de xardíns.
