As mostras de xeo máis antigas que foron estudadas ata hai pouco polo científicos correspondían a hai 390.000 anos. Con todo, segundo recollen dous artigos publicados en Science “”, é posible conseguir que ese rexistro alcance máis de 200.000 anos adicionais. As mostras ás que se refiren estes traballos foron obtidas a 3.270 metros de profundidade, o que fará posible medir a composición da atmosfera durante os 650.000 anos últimos.
Os científicos do proxecto EPICA, que aplican este método na Antártida desde o ano 1996, descubriron que os niveis atmosféricos de dióxido de carbono son hoxe ata un 27% máis elevados que os máis altos rexistrados durante os últimos 650.000 anos. Ese achado pon en evidencia que a concentración deste e doutros gases aumentou máis rapidamente do previsto por influencia do ser humano.
O período adicional de 200.000 anos, na práctica equivalentes a dúas eras glaciales completas, permitirá aos científicos calibrar as diferenzas “naturais” desta clase de gases en períodos fríos e cálidos da historia da Terra. Iso permitirá á súa vez comprender mellor cal é a influencia do home sobre o medio ambiente.
