A célula de combustible é o corazón do motor de hidróxeno, un sistema de propulsión radicalmente diferente dos vehículos convencionais.
Compoñentes:
Tanque de hidróxeno: almacena o hidróxeno líquido a 700 bares de presión e 253 graos baixo cero. Os principais problemas que se deben resolver son tanto a seguridade do depósito como o seu peso.
Células de combustible: unha caixa que reúne ata 400 unidades. Outro dos retos desta tecnoloxía, mellorar o rendemento e reducir o número e peso das células.
Batería: almacena a electricidade das células de combustible e a que se xera no freado do vehículo. Utilízase para os sistemas eléctricos e electrónicos do vehículo: luces, radio, etc.
Unidade de control de enerxía: sistema electrónico que xestiona a produción e consumo de enerxía segundo as necesidades.
Motores eléctricos. Pode ser un central ou un en cada roda. Son os únicos elementos mecánicos.
A pila de combustible é a encargada de transformar o hidróxeno en electricidade. Os únicos residuos deste proceso son auga e calor.
O núcleo da pila de combustible é o PEM (Polymer Electrolyte Membrane) un “sándwich” formado por unha membrana situada entre un ánodo (eléctrodo negativo) e un cátodo (eléctrodo positivo) feitos de carbono e platino. A membrana permite o paso de protones, pero non de electróns.
O PEM atópase á súa vez inserido entre dous pletinas acanaladas. Por unha delas chega o hidróxeno ata o ánodo, producíndose unha reacción que separa os protones e electróns do gas. Os primeiros poden atravesar a membrana ata o cátodo.
Non así os electróns, que teñen que “dar un rodeo” pola propia pletina externa ata alcanzar o polo positivo xerando así a corrente eléctrica.
Pola outra parte da pletina circula o osíxeno chegando ata o cátodo. As moléculas de osíxeno atópanse alí cos protones de hidróxeno que atravesaron a membrana e os electróns que chegaron a través da pletina.
O cátodo produce a reacción química que une as moléculas de hidróxeno e osíxeno cos seus electróns xerando auga e calor.
As células de combustible xeran moi pouca electricidade. Por iso hai que xuntar ata 400 para poder mover un automóbil.
