A Ertzaintza denunciou nas últimas semanas en Biscaia a 65 condutores por usar nos seus vehículos sistemas de detección e inhibición de radares para evitar os controis de velocidade, segundo informou nun comunicado o departamento de Interior do Goberno vasco.
A Policía vasca, que realiza actualmente controis específicos para atopar estes sistemas ilegais de anti-radares, atopou once tipos de aparellos distintos, instalados na maioría das ocasións en vehículos de gama media-alta. Entre os que se localizaron destacan, dous, un instalado nun coche de autoescola e outro que usaba un taxi.
A utilización de anti-radares está sancionada con 150 euros e a retirada de dous puntos do carné de conducir. Ademais, o propietario do vehículo está obrigado a pasar unha ITV extraordinaria unha vez que foi retirado este sistema ou, pola contra, non poderá recuperar o permiso de circulación.
