A reforma do Código Penal que tipifica como delito conducir sen obter o necesario permiso ou licenza de condución, en vigor desde o pasado 1 de maio, levou á detención durante este período de 1.014 condutores polos axentes da Agrupación de Tráfico da Garda Civil e a súa posta a disposición xudicial.
Concretamente, esta reforma afecta o artigo 384 do Código Penal, no que se especifica que conducir un vehículo a motor sen obter nunca permiso ou licenza de condución pasa a ter a consideración de delito, que se castiga coa pena de prisión de tres a seis meses ou multa de 12 a 24 meses e traballos en beneficio da comunidade de 31 a 90 días, aplicándose as mesmas penas ao condutor que fose privado do permiso por perda total dos puntos asignados legalmente ou por decisión xudicial e siga conducindo.
Dos 1.014 condutores detectados, 11 conducían sen carné ao perdelo por esgotar o seu crédito de puntos, 53 por telo suspendido preventivamente, 11 por habérselles retirado definitivamente por decisión xudicial, e 939 por conducir sen obtelo nunca.
