O Ministerio de Fomento incorporará en determinados puntos da Rede de Estradas do Estado un novo sinal viario denominada “galón”, así como os seus correspondentes sinais verticais, que marca a distancia de seguridade para evitar as colisións por alcance. O obxectivo desta nova sinalización é reducir a sinistralidade por estes incidentes, a segunda causa máis frecuente de sinistro con vítimas. En 2010, causaron 83 falecidos e 434 feridos graves, lembraron a secretaria xeral de Infraestruturas, Inmaculada Rodríguez-Piñero, e os directores xerais de Estradas e Tráfico, José María Pertierra e Pere Navarro.
O novo sinal pretende avisar ao condutor dos tramos de estrada que, polas súas particulares circunstancias (frecuentes conxestións, condicións meteorolóxicas adversas -néboa- ou trazado de estradas -forte pendente-), supoñen un maior risco de accidente por alcance. Informa ademais sobre a separación mínima recomendada entre vehículos para evitar este tipo de sinistro.
As novas marcas viarias instalaranse en dúas fases, unha previa á operación saída do mes de agosto, na A-7, A-48, A-49, S-10, A-66, A-44, A-45, Z-32, N-330, N-125, N-232, N-420, A-40, A-2, A-4, A-5, N-401, A-6, A-67, A-52, N-120, A-13, A-42, A-1 e V-31, nas provincias de Cádiz, Huelva, Sevilla, Xaén, Málaga, Almería, Zaragoza, Asturias, Santander, Cidade Real, Guadalaxara, Toledo, León, Palencia, Zamora, Burgos, Tarragona, Cáceres, Lugo, A Rioxa, Madrid, Murcia e Valencia. Ditas sinais colocaranse tanto en autoestrada, como autovía, estradas convencionais e túneles. Tras comprobar a súa eficacia, nunha segunda fase estudarase a súa implantación progresiva noutros tramos da rede.
Os galóns disporanse no centro do carril, co vértice cara ao sentido de circulación e unha separación entre dous consecutivos que dependerá da velocidade máxima permitida no tramo. Ademais dos galóns, colocaranse carteis laterais que tamén conteñen as características de ambos. Dentro dos túneles, a separación entre galóns será igual a 100 metros. Dado que no caso de vehículos cuxa carga máxima autorizada sexa superior a 3.500 kg a distancia de seguridade debe ser superior a 150 metros, estes deberán manter co vehículo precedente a visión de tres galóns, explicou Fomento.
A Dirección Xeral de Tráfico de Dinamarca estableceu este tipo de sinalización en 2009 con efectos positivos: reduciuse a velocidade entre 1 e 3 quilómetros/hora e observouse que dita marca viaria mantén un efecto posterior entre 1 e 4 quilómetros despois da sinalización, aínda que menor. O efecto pérdese entre os 7 e os 12 quilómetros despois da sinalización, indicou o departamento dirixido por José Blanco. Francia e Portugal tamén incorporaron os galóns de distancia de seguridade.
