A gripe estacional provoca que os españois falten ao traballo cinco días de media

• Autor: Por montsearboix
• Data de publicación: Martes, 02deDecembrode2008

O estudo “Hábitos dos españois ante a gripe estacional”, realizado pola farmacéutica Roche, indica que os cidadáns do noso país faltan ao traballo preto de cinco días de media a consecuencia da gripe.

No últimos tres anos presentáronse casos de gripe no 37% dos fogares españois e máis da metade (51%) dos entrevistados tivo que faltar ao traballo como consecuencia da citada enfermidade, informou Roche a través dun comunicado.

Así mesmo, no 86% dos casos é un membro do fogar o que se fai cargo dos nenos cando contraen o virus da gripe. Para iso mesmo teñen que faltar ao traballo nun 15% dos casos.

Polo que se refire ao tratamento, máis do 20% dos episodios de gripe non recibe terapia antiviral, senón antibiótico, o que implica un maior custo e unha opción non sempre indicada, xa que se trata dunha enfermidade vírica, segundo apuntaron desde Roche.

Os responsables da investigación estiman que o custo aproximado da gripe estacional en España é de 387,6 millóns de euros. A ausencia laboral, que inclúe o acompañamento en caso de enfermos pediátricos, supón un custo medio de 348 euros por paciente.