A metade dos asmáticos españois tivo problemas de soño durante a última semana, segundo un estudo

• Autor: Por mediatrader
• Data de publicación: Sábado, 20deMaiode2006

A metade dos enfermos de asma en España tiveron problemas de soño durante a última semana como consecuencia de síntomas asmáticos nocturnos debido a unha “clara falta de control” da súa doenza, segundo o estudo Asmair presentado onte en Barcelona.

O estudo, no que participaron máis de 3.600 afectados e preto de 800 médicos de atención primaria, apunta que o 68% dos pacientes con asma leve tivo algunha crise no últimos tres meses, cifra que alcanza o 81% dos pacientes con asma moderada.

Unha das principais conclusións da análise é que o 71% dos pacientes que sufrían asma e rinitis, inflamación da mucosa das fosas nasais, tiveron síntomas de rinitis nos últimos días, o que suxire que un bo control da rinitis sería clave para controlar tamén a asma, segundo os médicos de primaria.

Na súa opinión, esta falta de control baséase na falta de cumprimento das pautas inhalatorias multidosis, segundo un 45% dos facultativos, e na execución incorrecta da técnica inhalatoria por parte do paciente, segundo un 38% dos médicos.

A investigación revela que o 90% dos pacientes manifestan o seu medo para os efectos secundarios deste tipo de medicación, o 55% ingresou algunha vez en urxencias no último ano, e o 30% perdeu algún día de traballo ou clase no últimos seis meses.