A vida sedentaria e deportes como o golf elevan o risco de padecer dor de costas

• Autor: Por mediatrader
• Data de publicación: Domingo, 10 de Marzo de 2002

As dores de costas son unha das patoloxías máis frecuentes entre a poboación e están a aumentar entre a xente nova. Esta formulación abordouse en Zaragoza durante a celebración do II Congreso Nacional da Sociedade Española de Neurorraquis.

O doutor Vanaclocha, xefe do Servizo de Neurocirugía do Hospital San Jaime de Torrevieja (Alacante), explicou que as causas deste incremento son varias, “como o estilo de vida actual, as profesións sedentarias, os accidentes de tráfico ou deportes como o golf ou o esquí, e mesmo fumar”.

Trátase, engadiu, de problemas que reducen a calidade de vida e provocan un considerable aumento das baixas laborais. A alternativa a estas patoloxías, que non chegan a requirir unha intervención cirúrxica, é un tratamento de denervación, é dicir, un procedemento que permite, por medio de agullas, destruír selectivamente as ramas nerviosas que recollen a sensibilidade das zonas dolorosas das costas.

Segundo indicou o doutor, “é un procedemento similar ao dun dentista cando destrúe o nervio dun dente mediante unha endodoncia”.