Hai un ano un ditame da Comisión Europea arremetía contra o modelo de farmacia español. Bruxelas detectara infraccións na liberdade de establecemento. Desde entón, as farmacias do noso país incrementaron os seus esforzos en defensa do seu carácter sanitario antes que comercial. Esta semana celebráronse en Bruxelas as xornadas “Europa 2007”, organizadas pola Asociación para a Promoción da Asistencia Farmacéutica (Aproafa). Neste encontro tratáronse tanto as esixencias de desregulación da UE como os argumentos favorables ao actual sistema.
Algúns expertos suxeriron unha “liberalización con límites” da farmacia para manter a esencia sanitaria do modelo español, mentres dous europarlamentarias coincidían en que é “menos difícil defender a planificación que a titularidade-propiedade”.
Unha das opcións expostas foi impulsar unha directiva específica desde os “Estados que desexen unha cooperación reforzada nalgún ámbito”, que podería incluír dúas áreas para “os dous grupos de países da UE, regulados e reglamentados”.
Outra alternativa sería “liberalizar con límites que respecten o modelo actual e que eviten as cadeas” ou grupos financeiros ou de investimento que acaparen o mercado farmacéutico.
En España, cuarto país con máis oficinas de farmacia por habitante (2.156 persoas por cada unha), o 99% da poboación ten farmacia na súa localidade. O prezo medio dos medicamentos é dos máis baixos tras Francia e Italia.
