Expertos en ginecología confirmaron este fin de semana nun encontro celebrado en Santiago de Compostela, “Novo Paradigma no manexo da Osteoporose Posmenopáusica”, que paira previr fracturas derivadas da osteoporose descubriuse a eficacia de tratamentos alternativos á terapia hormonal sustitutiva (THS)
A compañía Merck Sharp and Dohme realizou un estudo sobre mulleres posmenopáusicas que abandonaran o tratamento con THS. A investigación demostrou que un fármaco comercializado por esta empresa preveu a perda de masa ósea e aumentou significativamente a densidade ósea da columna vertebral e de cadeira.
O estudo mostrou a eficacia e o perfil de seguridade de alendronato, en comparación con placebo, en mulleres posmenopáusicas con perda de masa ósea e que deixaran o tratamento con THS nos tres meses previos á súa inclusión no estudo.
O especialista Antonio Cano, xinecólogo do Hospital Clínico de Valencia, sostén que o tratamento da osteoporose débese ver “desde a mesma perspectiva que o das enfermidades crónicas nas mulleres de mediana idade”.
